🛡 Баланы буллингтен қалай қорғауға болады?
Егер балаңыз:
🔘 Еш себепсіз мектепке немесе сабаққа барғысы келмесе;
🔘 жиі басының не ішінің ауырғанын айтса;
🔘 оқуға және үйірмелерге қызығушылығы болмаса;
🔘 үйге сынған немесе жоғалған заттармен қайтып келсе;
🔘 тұйық, мазасыз, үндемейтін болып кетсе;
🔘 мектеп, сыныптастары туралы әңгімеден қашқақтаса;
🔘 қорқып, күдіктеніп, мінезі күрт өзгерсе – бұған міндетті түрде назар аударыңыз.
Баланы қолдау маңызды
🔘 Тыңдаңыз және сеніңіз. Мәселе сізге ұсақ-түйек болып көрінсе де, бала үшін ол өте маңызды болуы мүмкін.
🔘 Ашық сөйлесіңіз. “Мектепте өзіңді қалай сезінесің? Сені мазалайтын мәселе бар ма?” деп сұраңыз.
🔘 Өзін-өзі бағалауды нығайтыңыз. Балаңызды қолдап, жетістіктерін айтып отырыңыз.
🔘 “Жоқ” деп айтуға үйретіңіз. Жеке шекарасын қорғай білуді дамытыңыз.
🔘Сенім орнатыңыз. Бала ата-анасының әрдайым оның жағында екенін білуі тиіс.
🔘 Балаңызбен достық, құрмет және ізгілік туралы сөйлесіңіз.
🔘 Сезімталдыққа үйретіңіз: әділетсіздікке тап болған кейіпкерлер жайлы кітаптар мен фильмдерді бірге талқылаңыз.
🔘 Агрессивті контентті шектеп, интернет ортасын бақылап отырыңыз.
🔘Үлгі болыңыз. Отбасыда дөрекілік пен кемсітушілікке жол бермеңіз.
✅ Есіңізде болсын: буллингтің салдарымен күрескеннен гөрі, оның алдын алу әлдеқайда жеңіл. Ең маңыздысы – отбасының қолдауы және ата-ана мен бала арасындағы сенім.
#ЗАҢМЕНТӘРТІП
