«Ата-аналарды педагогикалық қолдау» орталығының бағдарламасы бойынша «Боламын деген баланың бетін қақпа, белін бу» тақырыбында мектебіміздің 10-11 сынып ата-аналарына арналған жиналыс өткізілді. Мақсаты: ата-аналардың рефлексия және балалардың тәуелсіздігін қолдау дағдыларын дамыту; Ата-аналарды жоғары сынып оқушыларының өз өмірін өз бетінше құруға деген ұмтылысын қолдауға, дағдыларын қалыптастыруға және дамытуға ынталандыру; Жоғары сынып оқушыларының жас ерекшеліктерімен таныстыру; Бірлескен іс-әрекет дағдыларын дамыту және баланың дербестігіне қатысты өзіндік мінез-құлық бағытын талдау. Жиналыс барысында «Ата-бабаларымыз балалардағы дербестікті қалай тәрбиелеген» және «Балаларды ересек өмірге дайындауда оларға қалай кеңесші және жолсерік болуға болады» тақырыбында ата-аналармен пікір алмасып, ата-аналар жеке "Менің балам – дербес тұлға" жаттығуын, "Тепе-теңдік дөңгелегі» тренингін топпен бірге орындап, «Баланың дербестігі» сауалнамасының сұрақтарына жауап беріп, нәтижесімен танысты. Шара соңында ата-аналар «Додекаэдр» әдісімен өткізілген шараға алғыстарын білдіріп, кері байланыс жасалды. Өткізген: Г.Б.Шагамбаева, Ш.О.Кушанбаева
@mugalzhar_bilim_bolimi
